KARACHI: Consul General of the United Arab Emirates (UAE) Bakheet Ateeq Al-Rumaithi visited Federal Urdu University of Arts, Science and Technology here on the occasion of World Environment Day (Wednesday: 5th June, 2024).

متحدہ عرب امارات کے قونصل جنرل کا ماحولیا ت کے عالمی دن کی مناسبت سے وفاقی جامعہ اردو کا دورہ

وفاقی جامعہ اردو میں متحدہ عرب امارات کے قونصل جنرل بخیت عتیق الرمیتھی نے جامعہ اردو کے شعبہ کی دعوت پر ماحولیا ت کے عالمی دن کی مناسبت سے دورے کے موقع پر جامعہ میں پودا لگایا۔اس دورہ کا مقصد ماحولیات کے عالمی دن کے موقع پر لوگوں میں شعور بیدار کرنا ہے۔ اس موقع پر انہوں نے بات چیت کرتے ہوئے کہا کہ مجھے یہاں آکر بڑی خوشی محسوس ہو رہی ہے انہوں نے کہا کہ پاکستان ایک زرعی ملک ہے اور یہ قدرتی وسائل سے مالا مال ہے۔انہوں صحت منداور صاف ستھرا ماحول کو بنانے میں مشترکہ جدوجہد پر زور دیا۔ انہوں نے کہا کہ ہم سب کومل کر یہا ں بھرپور سہولیات پیدا کرنی چاہئے اور ایسا ماحول پیدا کرنا چاہئے تاکہ یہاں کے لوگوں کو اپنا ملک چھوڑ کے باہر جانے کی ضرورت نہ پڑ ے۔ شیخ الجامعہ پروفیسر ڈاکٹر ضابطہ خان شنواری نے متحدہ عرب امارات کے قونصل جنرل بخیت عتیق الرمیتھی سےonline گفتگو کرتے ہوے انکا شکریہ ادا کیا اور انہیں جامعہ اردو اسلام آباد کیمپس کے دورے کی دعوت دی۔ ڈاکٹر ضابطہ خان شنواری نے تعلیم کے شعبے میں انکی خدمات کو سراہا۔ملاقات میں کیمپس انچارج و ڈین کلیہ سائنس پروفیسر ڈاکٹر محمد زاہد رجسٹرار ڈاکٹر ساجد جہانگیر ، شعبہ ایڈ منسٹر یشن کی ایچ او ڈی ڈاکٹر نورین،اور ڈائریکٹر،شعبہ (اورک) حنامدثرنے یو اے ای کے قونصل جنرل سے بات چیت کرتے ہو ئے یونیورسٹی کے تمام شعبہ جات سے آگاہ کیا اور اس موقع پر صدر شعبہ ماحولیات حق نواز عباسی نے پریزنٹیشن دی جس پر قونصل جنرل ڈاکٹر بخیت عتیق الرمیتھی نے بہت سراہا۔ آخر میں ڈائریکٹر
اورک ڈاکٹر حنا مدثر نے مہمان کو شیلڈ پیش کی اور ان کی آمد کا شکریہ ادا کیا۔

Newspakistan.tv